නේපාලයේ සහනකටයුතුවලට යොදවා තිබූ ඇමෙරිකානු හමුදා හෙලිකොප්ටරයක් අතුරුදන්

නේපාලයේ සහනකටයුතුවලට යොදවා තිබූ ඇමෙරිකානු හමුදා හෙලිකොප්ටරයක් අඟහරුවාදා සවස සිට අතුරුදන්ව ඇතැයි විදෙස් මාධ්‍ය වාර්තා කරයි.

ඇමරිකානු නාවික භටයන් හය දෙනකු හා නේපාල සහන සේවකයන් දෙදෙනකු සමග පියාසර කරමින් සිටිය දී මේ යානය අතුරුදන්ව ඇතැයි පෙන්ටගනය ප්‍රකාශ කරයි.

අගමැති රනිල්ට විරුද්ධව අල්ලස් කොමිසමට පැමිණිල්ලක්

පසුගිය ජනාධිපතිවරණයට පෙර 2014 නොවැම්බර් 21 වැනි දින මාධ්‍ය හමුවක් පවත්වමින් එවකට ජනාධිපති අපේක්ෂක මෛත්‍රිපාල සිරිසේන මහතා තමා ජයග්‍රහණය කළහොත් එක්සත් ජාතික පක්ෂ නායක රනිල් වික්‍රමසිංහ මහතා අගමැති ධූරයට පත් කරන බවට කළැයි කියන ප්‍රකාශය අල්ලස් දීමක් බව කියමින් පිවිතුරු හෙළ උරුමයේ ප්‍රධාන ලේකම් උදය ගම්මන්පිල මහතා මිට සුළු මොහොතකට පෙර අල්ලස් කොමිසමට පැමිණිල්ලක් බාර දෙනු ලැබිය.

පෙත්සම විභාගයට ගන්නා තෙක් ගෝඨා අත්අඩංගුවට ගන්න එපා

හිටපු ආරක්ෂක ලේකම් ගෝඨාභය රාජපක්ෂ මහතා විසින් ඉදිරිපත් කළ පෙත්සම විභාගයට ගෙන අවසන් වන තෙක් ඔහුව අත්අඩංගුවට ගැනීම වළක්වමින් ශ්රේිෂ්ඨාධිකරණය විසින් අතුරු තහනම් නියෝගයක් නිකුත් කර තිබේ.

රියැදුරු නැතිව දුම්රියක් ධාවනය වේ.

රියැදුරු නැතිව කිලෝමිටර 26 ක් ධාවනයවූ දුම්රියක් ගැන බංගලි දේශයෙන් වාර්තා වේ.

බංගලාදේශයේ ෆරිඞ්පූර් සිට රජ්බාර්හි බලා ධාවනය වෙමින් තිබූ මෙම දුම්රිය රජ්බාර් දුම්රිය ස්ථානයට පැමිණ නැවත ෆරිඩ්පූර් බලා ධාවනය කිරීමට සූදානම් කර තිබියදී මෙම අබග්ගය සිදුව තිබේ.

ජවිපෙ කෙරෙහි පැවති ජනතා විශ්වාසය බිඳී ගියා - ජවිපෙ හිටපු නායක සෝමවංශ අමරසිංහ

පසු ගිය කාලය පුරාවට විවිධ හැලහැප්පීම් වලට ලක් වූ ජනතා විමුක්ති පෙරමුණ යලිත් දෙදරීමට ලක්වී ඇත.

ජවිපෙ හිටපු නායක සෝමවංශ අමරසිංහ මහතා අද හදිසි සාකච්ඡාවක් කැඳවා මාධ්‍යවේදීන් හට පවසා සිටියේ තමුන් පක්‍ෂ සාමාජිකත්වයෙන් වහාම ක්‍රියාත්මක වන පරිදි ඉවත්වූ බවත් ඉදිරියේදී නව දේශපාලන පක්ෂයක් පිහිටුවන බවත්ය.

රන් කිලෝ ග්රෑම් 4.2 අත්අඩංගුවට

ගුවන් තොටුපළ රේගුව ඉන්දියාවට දහවල් රන් කිලෝ ග්රෑම් 4.2 රැගෙන යාමට උත්සාහ කළ ඉන්දීය ජාතිකයින් 2 අත්අඩංගුවට ගෙන තිබේ.
       රේගු මාධ්යය පකාශක ලෙස්ලි ගාමිණී පකාශ කලෙ රන් තොගය රුපියල් මිලියන 21 ක් වටිනා බවයි.

බීමත් රියැදුරන් හඳුනා ගැනීම සඳහා නවතම උපකරණයක් පොලීසියට

බීමත් රියැදුරන් හඳුනා ගැනීම සඳහා නවතම උපකරණයක් පොලීසිය වෙත හඳුන්වාදී ඇති බව පොලීසිය පවසයි. ඕස්ට්‍රේලියාවෙන් ගෙන්වන ලද මෙම යන්ත්‍රය ඇල්කොලයිසර් නමින් හඳුන්වයි. එම යන්ත්‍රය යොදා ගනිමින් බීමත් රියැදුරන් අත්අඩංගුවට ගැනීමට රථවාහන පොලීසිය තීරණය කර ඇති බවයි වාර්තා වෙන්නේ.

මෙම ඇල්කොලයිසර් යන්ත්‍රය මගින් බීමත් රියැදුරන් පහසුවෙන් හඳුනාගත හැකි වීම මෙහි ඇති විශේෂත්වයයි. මේ වනවිට ඇල්කොලයිසර් යන්ත්‍ර කිහිපයක්ම මෙරටට ගෙන්වා දිවයිනේ ප්‍රධාන පොලිස් ස්ථාන කිහිපයකට බෙදාදී ඇති බවද වාර්තා වෙයි.